بقلم/ أسامة شاهين
«أنا الجاني» سلسلة من المقالات لنقد السلبيات في مجتمعنا التي قد يفعلها بعض الأفراد بشكل متعمد أو غير متعمد والتي تؤثر بدورها على الفرد والمجتمع على المدي القصير والبعيد.. وتم صياغتها في شكل دارمي باستخدام أسلوب بسيط لتناسب كل المستويات الثقافية.
– في عريس جاي لبنتك يا حاج
=مين؟
-دا بسم الله ماشاء الله حد مبسوط جدًا يا حاج عنده شقة تمليك ومحل كبير باسمه
-منين
=من بلد جنبنا يا حاج واسمه معتز وعايز يجي يتقدم
-تمام يجي ونشوف كدا
جه والدنيا تمام نسأل عنه كدا نتأكد من اللي عنده وفعلا طلع مقتدر ماديا جدًا بس أخلاقه بايظة شوية
-أنا سألت على العريس يا حاجه هو مبسوط بس قالولي بتاع..
=يا خويا بكره بتجوز وربنا يهديه والبركه في بنتك
– على خيره الله
=في عريس جاي لبنتك
-مين
=واحد كدة بتقول أن زميلها في الشغل
-أيوة موصفاته أيه
=هو عنده شقة بس صغيرة ومرتبه حوالي ٣ آلاف في الشهر
بس بيقول أن مقدرته أنه يجيب كذا وكذا..
وبعد ماسأل عليه عرف أنه شاب على خلق مكافح ومجد بس ظروفه ملغبطه شويه زي أي شاب في بدايته حياته ولسبب وهمي تم رفضه
دول قصتين تقريبًا بتحصل عند معظم الشعب المصري
في الموقفين أن تركيز الآباء على الناحية المادية أكتر من تركيزهم على شيء آخر
في الموقفين دول اسم من اسماء الله عز وجل اتذكر والتاني اتنسى
-لما اتذكر في الموقف الاول “إن شاء الله ربنا يهديه ” علي الرغم أن الهداية مش مضمونة لأن ربنا متكفلش بيها لجميع عباده لقوله عز وجل: «يَهْدِي اللَّهُ لِنُورِهِ مَنْ يَشَاءُ»، في حين أن في الموقف التاني الرزق مضمون لأن الله تعالي تكفل بها لجميع خلقه قال تعالي: «وَفِي السَّمَاءِ رِزْقُكُمْ وَمَا تُوعَدُونَ»، مع طبعا السعي وعدم التواكل وهنا نسوا اسم الله الرزاق.
-سيدنا النبي قال: «إذا أتاكُم من ترضَوْنَ خلُقَهُ ودينَه وأمانتَهُ فزوِّجُوُه».. دا الشق الاول من الحديث طب لو لم يطبق، يبقي يطبق اجباري الجزء التاني علينا “إلَّا تفعلوه تكُنْ فتنةٌ في الأرضِ وفسادٌ كبيرٌ».
-هنا فعلا أنا الجاني.. طبعا مش بقول ترمي بنتك بس احذر إنك متطبقش الشق الأول من حديث سيدنا النبي.. أما موضوع قبول البنت أو لا دي قصة تانية خارج الموضوع دا كله.. لأن الإسلام اعطاها حق القبول أو الرفض
التعليقات