أرز بالكبد والقوانص مع التورلي السادة.. أكلات موفرة في رمضان
أرز بالكبد والقوانص مع التورلي السادة.. أكلات موفرة في رمضان

أرز بالكبد والقوانص

كتبت: سماح محمد

أرز بالكبد والقوانص..في النص الثاني من رمضان، النفس بتزهق من اللحوم.

وعلشان كده الأفضل إننا ننوع في أكلنا زي وجبة النهاردة.

وجبة النهاردة موفرة وفيها خضروات كتير وده خفيف على المعدة.

وفي نفس الوقت بيمد الجسم بكمية كبيرة من الفيتامينات .

وصفة من وصفات الشيف نجلاء الشرشابي علي قد الأيد

هنعمل معاكو النهاردة

أرز بالكبد والقوانص- تورلي سادة- سلطة خضراء- تمر باللبن

طريقة عمل الأرز بالكبد والقوانص

المكونات:

3 كوب أرز- كبد وقوانص دجاج- زيت- ثوم مفروم-

فلفل أخضر رومي- فلفل أخضر حار- عصير الليمون- كمون- ملح وفلفل أسود</p>

أرز بالكبد وا

لقوانص مع التورلي السادة.. أكلات موفرة في رمضان

طريقة التحضير:

نقطع الكبد والقوانص  ثم نحط حلة فيها سمنة علي النار.

ونحط القوانص عليها ونشوحها ثم ننزل بالبصلة والكبدة وكمون وملح وفلفل.

ونقلب لحد ما تلون الكبدة والقوانص ثم عصير الليمون نحطه وتوم وفلفل رومي والفلفل الحامي.

ثم ننزل بالرز ونقلب شوية ثم نحط مياه عليهم ونغطي تغلي وبعدين نقلب مرة ونسيبها تستوي.</p>

أرز بالكبد وا

لقوانص مع التورلي السادة.. أكلات موفرة في رمضان

 

تورلي سادة

المكونات:

كوسة- بطاطس– جزر– بصل- ثوم- مرقة خضروات- عصير طماطم- سمنة– ملح وفلفل أسود

طريقة التحضير:

نجيب طاسة ثم نحط سمنة وزيت ونسخنها اوي

ثم ننزل بالكوسة نشوحها والبطاطس نحمرها والبصل نشوحه.

ونجيب صلصة الطماطم ثم

نحط مكعب مرقة الخضروات ونقطع التوم ثم نجيب طاجن نحط فيه الكوسة المشوحة والبطاطس المشوحة .

والجزر والبصل المتشوحه ثم نحط عليهم عصير الطماطم ونحطه في الفرن.

 

سلطة خضراء

المكونات:

طماطم-خيار- بصل- فلفل أسود- كمون-ملح- خل- ليمون

طريقة التحضير:

طماطم متقطعة قطع صغيرة ثم قطع خيار متقطع.

وخل ونسيبها ربع ساعة وثم ننزل بالخيار والطماطم ونقدمها.

تمر باللبن

المكونات:

لبن- زبيب- تمر منقوع- عسل

طريقة التحضير:

نجيب التمر المنقوع بالمياه ولبن.

ثم نحطهم في الخلاط وبعدين نحطه في الكوبيات وعليه الزبيب والعسل.

 

 

التعليقات