أرز صيادية مع سمك ماكريل.. أكلات موفرة في رمضان 
أرز صيادية مع سمك ماكريل.. أكلات موفرة في رمضان 

أرز صيادية مع سمك ماكريل.. أكلات موفرة في رمضان

كتبت: سماح محمد

 

مع وجود الأزمة الاقتصادية  وغلاء الأسعار تتعثر كثير من الأمهات في صناعة الأكلات التي تحتوي على لحوم ودواجن.

وأكلة خفيفة ومشبعة وموفرة بعد يوم صيام طويل أفضل بكتير من أكلة تقيلة تأثر عليك في اليوم اللي بعده.

عشان كدة هنعمل معاكم صنية سمك ماكريل مع أرز صيادية

 

وصفة جديدة من وصفات الشيف نجلاء الشرشابي علي قد ايديكو

 

سمك ماكريل بالبطاطس- أرز صيادية– سلطة خضراء- عرقسوس

 

أول حاجه هنعملها سمك ماكريل بالبطاطس

 

المكونات

بطاطس- سمك ماكريل- طماطم-ليمون- توم- فلفل حار- كمون-ملح وفلفل أسود-زيت- فلفل رومي

طريقة التحضير

 

نقطع البطاطس شرايح ثم نحمرها نص تحميره ثم

نجيب السمك نتبله بتوم وملح وعصير ليمون وكمون ونتبل السمك ثم نجيب صنية ورشة زيت

 

ثم نرص السمك وشرايح فلفل رومي عليه وعليه شرايح البطاطس ثم نضيف كوباية مياه عليهم وشرايح طماطم وندخلها الفرن

 

أرز صيادية

 

2- أرز صيادية

 

المكونات

 

أرز-بصل- زيت- كمون- ملح وفلفل أسود-ماء

 

طريقة التحضير

 

نجيب حلة ونحط الزيت وننزل بالبصل عليها ونحمرها للون البني الغامق

ثم نحط ملح وفلفل أسود وننزل بالمياه عليها لحد ما يغلي غلوتين

 

ثم نحط معلقة صلصة بعد كده أحط ملح وكمون

وانزل الرز عليهم بعد خمس دقايق واغطي الحلة وأوطي النار لحد ما يستوي

سلطة خضراء

 

3-سلطة خضراء

المكونات

 

طماطم-خيار- بصل– فلفل أسود- كمون-ملح- خل- ليمون

طريقة التحضير

طماطم متقطعة قطع صغيرة وخيار متقطع نجيب بولة ثم نحط البصل المتقطع

والكمون والملح والفلفل الأسود ثم ليمون وخل ونسيبها ربع ساعة وننزل بالخيار والطماطم ونقدمها

 

4- عرقسوس

 

المكونات

 

كوب عرقسوس– 2 لتر مياة- 1/4 معلقة بيكنج صودا

 

طريقة التحضير

 

نجيب بولة ونحط العرقسوس ثم نحط مياه عليه

 

والبيكنج صودا ونسيبه في الشمس شوية وبعدين نجيب بولة فيها شاشة  ثم نحط

 

العرقسوس ونلمها ونحط الشاشة في شفشق

التعليقات