المكرونة بالبشاميل بدون لحم
كتبت: سماح محمد
المكرونة البشاميل بدون لحم من الأكلات المحببة والمفضلة عند الشعب المصري.
فمعظم المصريين بيعتبر أنها عندهم طبق رئيسي من الممكن أن يضاف جنبها أي صنف أخر وبكده تصبح الأكلة اكتملت.
وأكلة سهلة وبسيطة وموفرة وعلى قد الأيد
وصفة من وصفات الشيف نجلاء الشرشابي
هنعمل معاكو النهاردة
مكرونة بالبشاميل بدون لحم- كرات البطاطس بالجبنة- سلطة بطاطس بالكركم- خشاف.
مكرونة بالبشاميل بدون لحم
المكونات:
مكرونة قلم مسلوقة- بصل مفروم-قرفة- فلفل أخضر رومي-زنجبيل
البشاميل 4 كوب لبن- 2 بيض-1/2 كوب دقيق-لتر مرقة- جبنة رومي مبشورة- ملح وفلفل أسود- جبنة موتزريلا-معلقة سمنة.
طريقة التحضير:
أولا، بنجيب صينية ثم نحط فيها المكرونة المسلوقة.
ثانيًا البشاميل، بنجيب حلة ثم نحط سمنة وعليها الدقيق ونقلب وننزل باللبن شوية ب شوية.
ولتر مرقة وبيضة وملح وفلفل أسود ونحطه على المكرونة ثم عليها جبنة موتزريلا والرومي المبشورة وندخلها الفرن.
المكرونة بالبشاميل بدون لحم..كرات البطاطس بالجبن
كرات البطاطس بالجبنة
المكونات:
بيضة-كيلو بطاطس مسلوقة مهروسة- كوب دقيق- جبنة رومي- معلقة صغيرة بيكنج بودر.
الحشو:
جبنة موتزريلا-ملح وفلفل أسود- كمون ناعم- زيت للقلي.
طريقة التحضير:
بنجيب بولة ثم نحط البطاطس المهروسة ونحط البيضة
والكمون والبيكنج بودر والملح والفلفل الأسود وجبنة رومي.
ثم بنعجنهم ونحط الدقيق شوية بشوية ونعملها زي الكفتة ونحط الحشوة
جواها ثم نقفلها ونكورها ونقليها ويكون الزيت مغطيها.
المكرونة بالباشميل بدون لحم ..بطاطس بالكركم
بطاطس بالكركم
المكونات:
بطاطس محمرة مكعبات- خل- كمون- فلفل رومي مشوي.
بصل احمر مشوي- ثوم– بقدونس- عصير ليمون- ملح وفلفل أسود- زيت- كركم.
طريقة التحضير:
أولاً الطاسة بنجيبها ونحط
فيها الزيت ونحط التوم ثم ننزل بالخل وعصير الليمون وكمون وملح وفلفل أسود.
ثانيًا ثم نقلبهم مع بعض وننزل بالبطاطس والبصل المشوي والفلفل والكركم وبعدين نغرفهم.
خشاف الفاكهة
المكونات:
تفاح متقطع- مانجا متقطعة- برتقال مفصص- قراصيا-
مشمش مجفف- تين مجفف- سكر– عصير قمر الدين.
طريقة التحضير
:
بنحط الفواكة المتقطعة في بولة، وبنضيف السكر والقراصيا ثم المشمش والتين المجفف.
بالإضافة لذلك بنحط عصير قمر الدين على الفواكة والسكر ثم نقلب العصير مع الفواكة.
ثم بنقدم الخشاف في كوبايات وبالهنا والشفا.
التعليقات