حواوشي الخضروات مع سمبوسك بالجبنة.. أكلات موفرة في رمضان
كتبت: سماح محمد
حواوشي الخضروات..زهقنا من كل شوية هنعمل اي
علي الفطار النهاردة هنعمل اكلة سهلة وبسيطه والكل بيحبها ومليانة بروتين ووجبة على قد الأيد
وصفة من وصفات الشيف نجلاء الشرشابي علي قد ايديكو
هنعمل معاكو النهاردة
حواوشي الخضروات- سمبوسك بالجبنة- تومية- خروب.
حواوشي الخضروات
المكونات:
بيض-بصل- فلفل رومي- سمنة- جزر- خبز بلدي-
فلفل حار- جبنة رومي- جبنة موتزريلا– بقدونس- ملح وفلفل أسود.
طريقة التحضير:
أولاً بنجيب بولة ونحط فيها بصل مفروم ثم عليه ملح وفلفل أسود وعليه الفلفل الحامي والفلفل الرومي.
ثانيًا بنضيف عليهم حزمة بقدونس مفروم
ثم نحط جبنة موتزريلا وجبنة رومي ونقلب كويس جدا.
ثم بنحط عليهم خمس بيضات ونقلب تاني ونجيب العيش نفتحه ونحط فيه الحشو.
وفي الختام بنجيب طاسة ثم نحط سمنة عليها وننزل بالرغيف وهكذا مع كل الكمية.
حواوشي الخضروات مع سمبوسك بالجبنة
سمبوسك بالجبنة
المكونات:
لبن- بقسماط-ورق سمبوسك– جبنة مثلثات- سميد- زيت للقلي.
طريقة التحضير:
في البداية بنجيب ورق السمبوسك ونعمله علي شكل قرطاس.
بالإضافة إلى ذلك بنحط فيه حتة من الجبنة ونعمل الكمية اللي عندنا.
و بنجيب طبق صغير ثم نحط معلقة دقيق ومياه ونقفل السمبوسك بيهم عشان متفتحش معاكي.
ثم نجيب طبق تاني ونحط فيه دقيق السميد وبقسماط ناعم واللبن وننزل السمبوسك فيه.
ونحطها في الزيت وهتبقي مقرمشة ولذيذة.
التومية
المكونات:
بيضه- كوب توم– زيت- خل- ليمون- ملح وفلفل أسود.
طريقة التحضير:
للتومية بنجيب مفرمة نفرم التوم وننعمه أوي.
ثم نحط عليه بيضة عشان تبقي ناعمة ونحط عليها الزيت شوية ب شوية ونضرب تاني.
خلال ذلك نعصر الليمون عليها ثم معلقتين خل عليها وملح وفلفل أسود عليها ونضرب تاني.
الخروب
المكونات:
1/2خروب– 3 لتر مياة- 1 كوب سكر
الكراميل-خروب– سكر.
طريقة التحضير:
بنجيب صنية ثم نحط الخروب عليها ونرش السكر عليه ونحطه في الفرن.
بعد ذلك بنطلعه ونحطه في حلة ثم نحط عليه سكر ومياة ونسيبه يغلي.
وفي الختام بنقدم المشروب في كوبايات وبيتقدم بارد.
التعليقات