شوربة عدس مع سلطة خضراء.. أكلات موفرة في رمضان 

شوربة عدس مع سلطة خضراء.. أكلات موفرة في رمضان

 

كتبت: سماح محمد

 

 

بما أني الجو لسة في برودة النهاردة هنعمل معاكو حاجة تدفينا والكل بيحبها ومليانة بروتين وفي نفس الوقت مشبعة ووجبة متكاملة

 

وصفة جديدة من وصفات الشيف نجلاء الشرشابي علي قد ايديكو

 

هنعمل معاكو النهاردة

شوربة عدس مع خبز محمص- سلطة خضراء-تمر هندي

 

شوربة عدس مع خبز محمص

 

أول حاجه هنعملها شوربة عدس

المكونات

عدس أصفر-قرع- بطاطس-بصل-جزر– طماطم- ثوم- سمنة-

ملح- فلفل أسود- كمون ناعم- بصل مفروم مقرمش- خبز محمص

 

طريقة التحضير

نجيب حلة ونقطع بطاطس وجزر وطماطم وفص توم وبصلة صغيره ثم

 

أحط عليهم قرع والعدس وعليهم مياه واحطهم علي النار وبعد كده اضربه في الخلاط

 

 

ثم أجيب طاسة وأحط سمنة وعليها التوم المفروم

 

وملح وفلفل أسود وبصلة صغيرة واشوحهم شوية ثم

 

أحطهم علي وش الشوربة ونحط الخبز المحمص معاهم

 

 

شوربة عدس مع خبز محمص

 

 

سلطة خضراء

 

 

 

2-سلطة خضراء

المكونات

 

طماطم-خيار- بصل- فلفل أسود– كمون-ملح- خل- ليمون

 

 

طريقة التحضير

طماطم متقطعة قطع صغيرة وخيار متقطع ثم نجيب بولة

 

ونحط البصل المتقطع والكمون والملح والفلفل الأسود

 

وليمون وخل ونسيبها ربع ساعة وننزل بالخيار والطماطم ونقدمها

 

تمر هندي

 

3- تمر هندي

المكونات

3 كوب سكر- 1/2 كيلو تمر هندي- 2 لتر ماء

 

 

طريقة التحضير

نجيب حلة ثم نحط السكر وعليها تمر هندي ونحط المياة عليهم ونسيبهم شوية وبعدين نصفيه

 

مشروب بارد بعد يوم صيام طويل

 

شوربة عدس

التعليقات