كشري مصري بالصلصة مع باذنجان مخلل.. أكلات موفرة في رمضان
كشري مصري بالصلصة مع باذنجان مخلل.. أكلات موفرة في رمضان

كشري مصري بالصلصة

 

كتبت: سماح محمد

الكشري بالصلصة من الأكلات الشعبية المشهورة والمحببة عند الشعب المصري، وهو خليط من مكونات مختلفة عن بعضها، لكن الطعم متميز وخرافي.

مع وجود الأزمة الاقتصادية  وغلاء الأسعار تتعثر كثير من الأمهات في صناعة الأكلات التي تحتوي على لحوم ودواجن.

وأكلة خفيفة ومشبعة وموفرة بعد يوم صيام طويل أفضل بكتير من أكلة تقيلة تأثر عليك في اليوم اللي بعده.

عشان كدة هنعمل معاكم كشري مصري بالصلصة.

كما وجود إضافات أخرى مع طبق الكشري بالصلصة، زي مخلل الباذنجان وعصير السوبيا، هيعملولنا إفطار رمضاني مشبع وموفر ومتكامل.

 

هنعمل معاكو النهاردة

كشري مصري بالصلصة- باذنجان مخلل- سوبيا.

 

كشري بالصلصة

المكونات:

2 كوب أرز- كوب عدس بجبة منقوع- كوب شعرية- مكرونة صغيرة مسلوقة.

ثم مكرونة اسباجتي مسلوقة- حمص مسلوق- بصل محمر- ثوم- عصير طماطم- زيت- كمون- شطة- ملح وفلفل أسود.

 

طريقة التحضير

أولاً بنجيب حلة ونحط فيها زيت وننزل بالبصل المحمر وأحط العدس بجبة منقوع وعليها مياه بالإضافة إلى

ثم كمون وملح ونجيب طاسة ونحمر الشعرية نحط الشعرية المحمرة علي العدس بعد ما استوي.

ثانيًا بنحط الرز معاهم وحبة كمون ومياه لو احتاجت ونوطي النار عليها لحد ما تستوي.

بالإضافة إلى إننا بنجيب طاسة تانية ونحط بصلة وندبلها وتوم

وننزل بعصير الطماطم وشطة عليها وملح وفلفل وكمون ونسيبها لحد ما تتسبك.

ونعمل الدقة ملح وخل وتوم وكمون ننزل بالتوم وعليه كمون وشطة وملح عليهم وحبة مياه.

وبعدين نغرف الكشري وعليه المكرونة بالصلصة.

 

 باذنجان مخلل

المكونات:

 

1/2 كيلو باذنجان– توم- ملح- كمون- خل- فلفل حار- ليمون- زيت للقلي.

 

طريقة التحضير:

نجيب طاسة ونجيب الباذنجان ونفتحه فتحة صغيرة ونقليه.

ثم نجيب بولة نحط فيها فلفل والتوم وكمون وملح

وعصير الليمون وخل وملح ونقلبهم مع بعض ونطلع الباذنجان ونحشيه بالخلطة.

كشري مصري بالصلصة مع باذنجان مخلل.. أكلات موفرة في رمضان

مشروب السوبيا

المكونات:

كوب دقيق أرز مطحون- كوب لبن بودرة- كوب جوز هند- كوب سكر بودرة– ملعقة صغيرة ليمون- معلقة صغيرة فانيليا.

 

طريقة التحضير:

لعمل مشروب السوبيا بنجيب بولة

ثم نحط عليها اللبن والدقيق وسكر وجوز الهند وفانيليا ومعلقة ليمون.

ونجيب شفشق ونحط فيه خمس معالق من الخلطة عليه مياة ولبن.

ثم بندخله الثلاجة لمدة نص ساعة وبعدين نطلعه، ونقدمه في أكواب وبالهنا والشفا.

 

كشري مصري بالصلصة

التعليقات