طريقة عمل بطاطس بيوريه بالبشاميل بدون لحمة
 طريقة عمل بطاطس بيوريه بالبشاميل بدون لحمة

طاطس بيوريه بالبشاميل

كتبت: سماح محمد

 

مع وجود الأزمة الاقتصادية  وغلاء الأسعار تتعثر كثير من الأمهات في صناعة الأكلات التي تحتوي على لحوم ودواجن

وأكلة خفيفة ومشبعة وموفرة بعد يوم صيام طويل أفضل بكتير من أكلة تقيلة تأثر عليك في اليوم اللي بعده.

وعلشان كده أكلة اليوم هي بطاطس بيوريه بالبشاميل، والوصفة الاقتصاديه دي من وصفات الشيف نجلاء الشرشابي.

وهنعمل معاكو خامس يوم رمضان بطاطس بيورية بالبشاميل– أرز أبيض- مخلل- خشاف بالفاكهة.

 البطاطس بيوريه بالبشاميل

المكونات:

 

1 كيلو بطاطس مسلوقة مهروس- كمون ناعم- بقدونس-2 بيضة- ثوم- 1/2 كوب دقيق- 1/2 كوب قشطة- ملعقة صغيرة بيكنج بودر- سمنة- ملح وفلفل اسود-جبنة رومي.

البشاميل، 2 معلقة كبيرة دقيق-1/2 كوب حليب- سمنة- 2 كوب مرقة الدجاج- ملح وفلفل أسود.

طريقة التحضير:

ثم نجيب بولة كبيرة ونحط البيض ونضربهم كويس وعليها الدقيق والقشطة ومعلقة من السمنة ومعلقة بيكنج بودر.

ثم نحط توم وبقدونس وكمون وملح وعليهم 1/4 كوب مياه وننزل عليهم بالبطاطس المهروسة..بطاطس بيوريه بالباشميل.

البشاميل

 

وبعد كده بنجيب حلة ونحط عليها معلقتين سمنة وننزل بمعلقتين دقيق ونقلب.

ثم نحط كوبايتين المرقة وكوباية اللبن ونقلبهم كويس ونحط ملح وفلفل اسود ونرفعه من علي النار.

ثم بنجيب صنية ونحط معلقة زيت وبقسماط ناعم ف الصنية.

وبننزل بالبطاطس وبالبشاميل فوقيها ونحط جبنة رومي وندخلها الفرن لمدة نص ساعة.

الأرز الأبيض

المكونات:

أرز- 3 كوب ماء مغلي- ملح وفلفل أسود- 3 ورق لورا.

طريقة التحضير

أكلات موفرة في رمضان..نجيب حلة وننزل بمعلقة سمنة ونحط الرز ونقلبهم شوية.

ثم ننزل بالمرقة وملح وفلفل أسود وورق لورا واسيبها وبعدين اوطي عليه.

خشاف بالفاكهة

المكونات

تفاح متقطع- مانجا متقطعة- برتقال مفصص- قراصيا- مشمش مجفف- تين مجفف- سكر- مياة.

طريقة التحضير:

ثم نجيب القراصيا والتين المجفف والمشمش وننزل بالسكر عليهم وكوباية مياه ونسيبهم لمدة 3 ساعات.

ثم نحط عليهم التفاح والمانجا والبرتقال ونقلبهم مع بعض كويس.

 

طاطس بيوريه بالبشاميل

التعليقات