أكلة أول يوم رمضان
كتبت: سماح محمد
اعتاد الشعب المصري على أكل المحاشي بأنواعها بجانب الحمام والفراخ في أول يوم رمضان.
فقررنا في بوابة العالم الأوسط تحضير هذه الأكلة بطريقة سهلة وبسيطة لكل ربة منزل أو بنت مقبلة على الزواج من وصفات الشيف نجلاء الشرشابي.
طريقة الحمام الكداب
المكونات:
- أوراك فراخ
- بصل أرز
- صلصة طماطم
- سمنة
- بهارات
- ملح
- فلفل اسود
طريقة التحضير:
نجيب حلة ونحط السمنة وننزل عليها بالبصل ونقلب ل حد ما تتكرمل شوية.
ثم ننزل بالأرز عليها ونقلب شوية وبعد كده نزودها بالمياة ونحط بهارات عليها ونسيبها لحد ما تستوي.
بعد كده نجيب أوراك فراخ مخلية ونحشيها بالحشوة ونحطها ف ورق سلوفان ونسلقها لمدة نص ساعة.
ثم بعد ما تتسلق نحطها في صينية وندهن الأوراك بالصلصة وندخلها وبعد كده تأكلي أحلى حمام.
طريقة عمل المحشي المشكل
المكونات:
- باذنجان
- كوسة
- طماطم
- فلفل رومي
- أرز
- بقدونس و شبت و كزبرة خضراء
- زيت
- مرقة
- صلصة طماطم
- كمون- نعناع جاف- ملح- فلفل أسود.
طريقة التحضير:
أكلة أول يوم رمضان..نجيب الرز ونحط عليهم الطماطم المفرومة وبقدونس والشبت والكزبرة.
ثم نحط عليهم فلفل أسود وملح وكمون وبصل ومعلقة زيت عشان نملح كل المحشي.
ثم نضيف معلقتين من الصلصة ونقلب كله مع بعضه ونبدأ نحشي المحشي ونحط عليهم المرقة المغلية ونوطي عليه النار.
شوربة لسان عصفور
المكونات:
- لسان عصفور
- طماطم مبشورة
- سمنة
- بصل مبشور
- مرقة
- زيت
- ملح وفلفل أسود.
طريقة التحضير:
في حين ننزل بمعلقة سمنة ونحمر لسان العصفور.
ثم بعد ما يتحمر نحط عليه معلقة بصل ومعلقتين طماطم ونقلب ونحط ملح وفلفل أسود.
ثم نضيف عليها المرقة ونسيبها علي النار على درجة حرارة متوسطة وتاكلوا أحسن شوربة.
خشاف قمر الدين
المكونات:
- قمر دين منقوع
- قراصيا
- مشمش مجفف
- تين مجفف
- تمر جاف
- جوز الهند
- زبيب
طريقة التحضير:
أكلة أول يوم رمضان..نجيب كوبايتين ونحط فيهم قراصيا وتين ومشمش وزبيب.
وبعدين نجيب قمر الدين نحطه في الخلاط وكوباية مياه عليهم.
ثم نضربهم وبعدين نحطه في الكوبيات ونزين الكوبيات بالتمر الجاف.
التعليقات