أكلة اليوم.. طاجن لسان عصفور بالكبد والقوانص مع باذنجان مخلل

كتبت: سماح محمد

تعبنا من الخضار والرز كل
يوم والمحشي ف النهاردة هنعمل طاجن لسان عصفور بالكبد والقوانص

وصفة جديدة من وصفات الشيف نجلاء الشرشابي علي قد ايديكو

هنعمل معاكو النهاردة
طاجن لسان عصفور بالكبد والقوانص- أرز أبيض- باذنجان مخلل-قمر الدين

طاجن لسان عصفور بالكبد والقوانص

أول حاجه هنعملها
طاجن لسان عصفور بالكبد والقوانص

المكونات
لسان عصفور- كبد وقوانص– مرقة دجاج-صلصة طماطم- زيت-فلفل حار- ملح وفلفل أسود- شوربة

طريقة التحضير
نجيب طاسة ونحط زيت ونحمر لسان عصفور ونجيب حلة نحط سمنة وننزل بالكبد والقوانص والتوم يتشوح ونشوحهم ونحط عليهم الشوربة يغلو مع بعض وعليها معلقتين الصلصة ونجيب الطاجن نحط لسان عصفور متحمر وننزل بالشوربة بالكبد والقوانص عليه وندخله الفرن

أرز أبيض

2-أرز أبيض
المكونات
أرز– 3 كوب ماء مغلي- ملح وفلفل أسود- 3 ورق لورا-

طريقة التحضير
نجيب حلة وننزل بمعلقة سمنة ونحط الرز ونقلبهم شوية وبعدين انزل بالمرقة وملح وفلفل أسود وورق لورا واسيبها وبعدين اوطي عليه

باذنجان مخلل

3-باذنجان مخلل
المكونات
1/2 كيلو باذنجان- توم– ملح- كمون- خل- فلفل حار- ليمون- زيت للقلي

طريقة التحضير
نجيب طاسة ونجيب الباذنجان ونفتحه فتحة صغيرة ونقليه
وبعدين بولة نحط فيها ن فلفل والتوم وكمون وملح وعصير الليمون وخل وملح ونقلبهم مع بعض ونطلع الباذنجان ونحشيه بالخلطة

قمر الدين

4-قمر الدين
المكونات
1/2 كيلو قمر الدين- مياه- سكر-نشا

طريقة التحضير
نجيب حلة ونحط فيها قطع القمر الدين والسكر والنشا والمياه ونسيبها علي النار لحد يلف ويبقي سميك ونقدمه في أطباق