أكلة اليوم.. صينية سمك ماكريل بالبطاطس مع أرز صيادية

صينية سمك ماكريل بالبطاطس مع أرز صيادية

كتبت: سماح محمد

 

 

كل يوم لحمة وفراخ النهاردة زهقنا منهم فقولنا نغير ونعمل سمك ماكريل

 

 

وصفة جديدة من وصفات الشيف نجلاء الشرشابي علي قد ايديكو

 

 

 

 

صينية سمك ماكريل مع أرز صيادية

 

 

صينية سمك ماكريل بالبطاطس- أرز صيادية– سلطة خضراء- عرقسوس

 

 

سمك ماكريل بالبطاطس

 

 

 

أول حاجه هنعملها سمك ماكريل بالبطاطس

 

المكونات

بطاطس- سمك ماكريل- طماطم-ليمون- توم- فلفل حار- كمون-ملح وفلفل أسود-زيت- فلفل رومي

 

طريقة التحضير

 

نقطع البطاطس شرايح ونحمرها نص تحميره وبعدين نجيب السمك نتبله بتوم وملح وعصير ليمون وكمون ونتبل السمك وبعد كده نجيب صنية ورشة زيت ونرص السمك وشرايح فلفل رومي عليه وعليه شرايح البطاطس ونص كوباية مياه عليهم وشرايح طماطم وندخلها الفرن

 

سمك ماكريل بالبطاطس مع أرز صيادية

 

 

أرز صيادية 

 

 

2- أرز صيادية

المكونات

أرز-بصل- زيت- كمون- ملح وفلفل أسود-ماء

 

طريقة التحضير

 

نجيب حلة ونحط الزيت وننزل بالبصل عليها ونحمرها للون البني الغامق ونحط ملح وفلفل أسود وننزل بالمياه عليها لحد ما يغلي غلوتين ونحط معلقة صلصة بعد كده أحط ملح وكمون وانزل الرز عليهم بعد خمس دقايق واغطي الحلة وأوطي النار لحد ما يستوي

 

سمك ماكريل بالبطاطس مع سلطة خضراء

 

سلطة خضراء

 

 

3-سلطة خضراء

المكونات

طماطم-خيار- بصل- فلفل أسود- كمون-ملح- خل- ليمون

 

طريقة التحضير

طماطم متقطعة قطع صغيرة وخيار متقطع نجيب بولة ونحط البصل المتقطع والكمون والملح والفلفل الأسود وليمون وخل ونسيبها ربع ساعة وننزل بالخيار والطماطم ونقدمها

 

عرقسوس

 

 

4- عرقسوس

المكونات

كوب عرقسوس- 2 لتر مياة- 1/4 معلقة بيكنج صودا

 

طريقة التحضير

نجيب بولة ونحط العرقسوس ونحط مياه عليه والبيكنج صودا ونسيبه في الشمس شوية وبعدين نجيب بولة فيها شاشة ونحط

العرقسوس ونلمها ونحط الشاشة في شفشق