مسقعة بالبشاميل
كتبت: سماح محمد
أكلات موفرة في رمضان..بعد ارتفاع الأسعار جيبنالك 30 أكلة في 30 يوم رمضان علشان ربات البيوت ماتحتارش كتير.
وهنتابع كل يوم أكلة اقتصادية على قد ايديكوا من وصفات الشيف نجلاء الشرشابي.
ثم هنعمل معاكو تاني يوم رمضان، مسقعة بالبشاميل- أرز بالشعرية- بطاطس محمرة- عرقسوس.
أول حاجة هنعملها مسقعة بالبشاميل
المكونات:
لحم مفروم- باذنجان مقلي- فلفل رومي مقلي- بصل- عصير طماطم- فلفل أخضر- ملح-فلفل اسود- بهارات-
البشاميل- 3 معالق كبيرة دقيق- زيت- بيضة- 3 كوب حليب.
طريقة التحضير
أولاً، نعمل البشاميل نجيب طاسة ونحط زيت وعليهم 3 معالق كبيرة دقيق وملح وفلفل أسود ونجيب 3 كوب حليب ونقعد نقلب وبعدين نشيله من علي النار
تاني حاجة.
ثانيًا، نعصج اللحمة نجيب طاسة وفيها زيت وننزل بالبصل عليها وعليها ملح وفلفل ونشوح شوية.
ثم ننزل باللحمة عليها ونحط البهارات وننزل بعصير الطماطم ونسيبها تتسبك شوية.
نجيب صنية نحط أول طبقة من البتنجان وبعديها الفلفل ونحط اللحمة علي الطبقة الأولي.
ثم نحط الطبقة التانية من الباذنجان والفلفل ونجيب البشاميل ونحط بيضة عليه ونحطه علة وش الطبقة التانية ونحطها ف الفرن.
ثم أرز بالشعرية
المكونات:
2 كوب ارز- 1/2 كوب شعرية- سمنة-2 كوب مياه مغلية- ملح وفلفل اسود- 1/2 كوب حليب- مرقة الدجاج
طريقة التحضير
نجيب حلة ونحط معلقتين سمنة وننزل البشعرية نحمرها.
ثم ننزل بالرز ونحط ملح وفلفل اسود و1/2 كوب حليب والمياه المغلية ونحط مكعب مرقة الدجاج ونوطي عليه النار.
بطاطس محمرة
المكونات:
مياه مغلية- ملح وفلفل اسود- ونجيب 1/2 كيلو بطاطس متقطعة صوابع- زيت- خل
طريقة التحضير
نجيب بولة نحط فيها البطاطس ونحط عليها المياة المغلية والخل.
ثم نسيبها شوية ونحط الطاسة علي النار ونحط البطاطس شوية بشوية.
عرقسوس
المكونات:
كوب عرقسوس- 2 لتر مياة- 1/4 معلقة بيكنج صودا.
طريقة التحضير
نجيب بولة ونحط العرقسوس ونحط مياه عليه والبيكنج صودا.
ثم نسيبه في الشمس شوية وبعدين نجيب بولة فيها شاشة ونحط العرقسوس ونلمها ونحط الشاشة في شفشق.
مسقعة بالبشاميل
التعليقات