كتبت: سماح محمد
..اعتاد الشعب المصري على أكل المحاشي بجانب الفراخ أو البط أول يوم رمضان، قررنا نوضح للمقبلات على الزواج والزوجات الجديدات طريقة تحضير فطار أول يوم رمضان المعتاد، وهنتابع معاكم كل يوم أكلة اقتصاديه علي قد ايديكوا من وصفات الشيف نجلاء الشرشابي.
هنعمل أول يوم رمضان
فرخة – محشي – شوربة لسان عصفور – خشاف بقمر الدين.
أول حاجه هنعملها الفراخ
مكونات :
أكلات موفرة في رمضان..هنجيب فرخة- بصل حلقات- جزر حلقات- طماطم مبشورة – حبهان- ورق لورا- سمنة- كمون – بهارات- ملح- فلفل اسود- زيت.
طريقة التحضير:
أكلات موفرة في رمضان..نجيب طاسة ونحط فيها معلقة سمنة كبيرة ونحط عليها بصل وبعدين ملح وفلفل أسود ومعلقتين كمون ونقلب شوية لحد ما البصل يتكرمل مع البهارات، وبعدين نجيب صنية نحط فيها حلقات بصل والجزر والحبهان وورق لورا ونحط الفرخه فوقيهم، ونجيب بولة نحط فيها طماطم مبشورة وعليها فلفل اسود وملح ومعلقة زيت ونحطهم فوق الفرخة ونغلفها بورق الومنيوم وندخلها الفرن.
محشي مشكل
مكونات:
باذنجان- كوسة- طماطم- فلفل رومي- أرز- بقدونس- شبت- كزبرة خضراء- زيت- مرقة- صلصة طماطم- كمون- نعناع جاف- ملح- فلفل أسود.
طريقة التحضير:
أكلات موفرة في رمضان..نجيب الرز ونحط عليهم الطماطم المفرومة وبقدونس والشبت والكزبرة وعليهم فلفل أسود وملح وكمون وبصل ومعلقة زيت عشان نملح كل المحشي ومعلقتين من الصلصة ونقلب كله مع بعضه ونبدأ نحشي المحشي ونحط عليهم المرقة المغلية ونوطي عليه النار.
شوربة لسان عصفور
مكونات:
لسان عصفور – طماطم مبشورة- سمنة- بصل مبشور- مرقة- زيت- ملح وفلفل أسود.
طريقة التحضير:
أكلات موفرة في رمضان..ننزل بمعلقة سمنة ونحمر لسان عصفور وبعد ما يتحمر نحط عليه معلقة بصل ومعلقتين طماطم ونقلب ونحط ملح وفلفل أسود ونضيف عليها المرقة ونسيبها علي النار على درجة حرارة متوسطة وتاكلوا أحسن شوربة.
خشاف القمر الدين
مكونات:
قمر دين منقوع- قراصيا-مشمش مجفف-تين مجفف- تمر جاف- جوز الهند- زبيب
طريقة التحضير:
أكلات موفرة في رمضان..نجيب كوبايتين ونحط فيهم قراصيا وتين ومشمش وزبيب وبعدين نجيب قمر الدين نحطه في الخلاط وكوباية مياه عليهم ونضربهم وبعدين نحطه في الكوبيات ونزين الكوبيات بالتمر الجاف.
اقرأ أيضًا
سكة الصبر نهايتها جبر.. رحلة محمد أيمن
10 حيل تساعدك على التخلص من الأفكار السلبية
اعتني بنفسك ووفري..4 وصفات طبيعية لترطيب البشره تغنيكِ عن الكريمات المصنعة
التعليقات