مكرونة بالصلصة مع المقليات..أكلات موفرة في رمضان

مكرونة بالصلصة من الأكلات اللذيذة جداً، واللي بيحبها الصغار والكبار.

بإضافة طبق جانبي ليها زي زي المقليات البطاطس، الفلفل، الباذنجان.

مع سلطة الزبادي بالخيار والعصير تكون الوصفة اكتملت وبقت موفرة، ومشبعة.

مكرونة بالصلصة

المكونات:

مكرونة مسلوقة قلم- صلصة الطماطم- بصل مفروم- ملح وفلفل أسود- زيت- ماء.

طريقة التحضير:

أولاً بنجيب طاسة ونحط زيت وعليها بصل نحمرها كويس.

ثانيًا ننزل بالصلصة ومياه عليهم وملح وفلفل وكمون وننزل بالمكرونة عليهم وتتقدم.

الباذنجان والفلفل والبطاطس المقلية

المكونات:

باذنجان- فلفل رومي-بطاطس- ملح وفلفل أسود- بيض- بقسماط- دقيق- زيت للقلي.

طريقة التحضير:

نقطع الباذنجان شرايح وفلفل وبطاطس.

ثم نجيب طاستين واحدة فيها الباذنجان والفلفل والتانية بطاطس ونقليهم ونعمل خلطة ليهم.

بالإضافة إلى ذلك بنجيب بولة نحط فيها عصير ليمون وتوم وخل وكمون وملح.

وأيضًا نحط شوية مية عليهم ونطلع الباذنجان والفلفل ونحط عليهم الخلطة.

الزبادي بالخيار

المكونات:

زبادي- جبنة فيتا- خيار- نعناع جاف- ثوم مفروم- ملح- زيت زيتون.

طريقة التحضير:

نجيب التوم نفرمه ف الكبة والخيار نبشره.

وثم بنجيب كوباية الزبادي علي الخيار ونعناع ناشف وتوم مفروم وملح وفلفل.

و بنجيب جبنه ونقطعها مكعبات ونحطها علي السلطة وفوقيها زيت الزيتون.

عصير قمر الدين

المكونات:

1/2 كيلو قمر الدين- مياه- سكر-نشا.

طريقة التحضير:

نجيب حلة ونحط فيها قطع القمر الدين والسكر والنشا والمياه.

و نسيبها علي النار لحد ما يتقل ويبقي سميك ونقدمه في أطباق أو كوبايات.

كتبت: سماح محمد