لفائف الباذنجان بالإسباجتي
كتبت سماح محمد
الباذنجان من الخضراوات التي تعزز فقدان الوزن بجانب احتوائه على مضادات لارتفاع ضغط الدم والسكري..لفائف الباذنجان بالإسباجتي
لفائف الباذنجان بالإسباجتي.. بالإضافة إلى المكرونة الاسباجتي لذيذة المذاق معه، والتي يعشقها الأطفال، ستصبح وجبة متكاملة العناصر الغذائية وفي نفس الوقت غير مكلفة.
هنعمل معاكو النهاردة
صنية لفائف الباذنجان بالاسباجتي- بطاطس محمره- كولوسلو- خشاف.
لفائف الباذنجان بالإسباجتي
المكونات
مكرونة اسباجتي مسلوقة- باذنجان مقلي- ملح وفلفل أسود- سمنة- صلصة طماطم.
طريقة التحضير
بنجيب حلة ونحط صلصة الطماطم والفلفل الأسود والملح وعليها المكرونة المسلوقة.
و بنجيب صنية وندهنها صلصة ونجيب شرائح الباذنجان ونحط فيها المكرونة بالصلصة.
بالإضافة إلى إننا بنلفها ونرص الصنية ونحط فوقها جبنة موتزريلا وندخلها الفرن.
بطاطس محمرة
المكونات
مياه مغلية- ملح وفلفل اسود- ونجيب 1/2 كيلو بطاطس متقطعة صوابع- زيت- خل.
طريقة التحضير
أولاً: بنجيب بولة نحط فيها البطاطس ونحط عليها المياة المغلية والخل ونسيبها شوية.
ثانيًا: بعد الانتظار على البطاطس شوية بنحط الطاسة علي النار ونحط البطاطس شوية بشوية.
كولوسلو
المكونات
كرمب سلطة- جزر مبشور- مايونيز- خل- سكر.
طريقة التحضير
أولا: بنجيب بولة ونحط كوباية مايونيز ونص معلقة سكر ومعلقتين خل وملح وفلفل أسود وأبيض.
ثانيًا: بنقلبهم مع بعض وننزل بالجزر المبشور والكرمب الشرائح الرفيعة.
خشاف بقمر الدين
مكونات
قمر دين منقوع- قراصيا-مشمش مجفف-تين مجفف- تمر جاف- جوز الهند- زبيب.
طريقة التحضير
أولاً، كوبايتين ونحط فيهم قراصيا وتين ومشمش وزبيب وبعدين نجيب قمر الدين نحطه في الخلاط.
ثانيًا، بنحط كوباية مياه على المكونات في الخلاط ونخلط الخليط، ونصبه في كوبايات مع التزيين.
التعليقات