أرز بالكبد والقوانص مع التورلي السادة..أكلات موفرة في رمضان

أرز بالكبد والقوانص مع التورلي السادة

كتبت: سماح محمد

 

أرز بالكبد والقوانص..في النص الثاني من رمضان، النفس بتزهق من اللحوم.

 

وعلشان كده الأفضل إننا ننوع في أكلنا زي وجبة النهاردة.

 

وجبة النهاردة موفرة وفيها خضروات كتير وده خفيف على المعدة.

 

وفي نفس الوقت بيمد الجسم بكمية كبيرة من الفيتامينات .

 

وصفة نجلاء الشرشابي علي قد ايديكو

هنعمل معاكو النهاردة

أرز بالكبد والقوانص- تورلي سادة- سلطة خضراء- تمر باللبن

 

 

أرز بالكبد والقوانص

 

المكونات:

 

3 كوب أرز- كبد وقوانص دجاج- زيت- ثوم مفروم- فلفل أخضر رومي- فلفل أخضر حار- عصير الليمون- كمون- ملح وفلفل أسود

 

 

طريقة التحضير:

 

نقطع الكبد والقوانص ونحط حلة فيها سمنة علي النار.

 

ونحط القوانص عليها ونشوحها ننزل بالبصلة والكبدة وكمون وملح وفلفل.

 

ونقلب لحد ما تلون الكبدة والقوانص وعصير الليمون نحطه وتوم وفلفل رومي والفلفل الحامي.

 

ثم ننزل بالرز ونقلب شوية ونحط مياه عليهم ونغطي تغلي وبعدين نقلب مرة ونسيبها تستوي.

 

 

تورلي سادة

 

المكونات:

 

كوسة- بطاطس– جزر- بصل- ثوم- مرقة خضروات- عصير طماطم- سمنة- ملح وفلفل أسود

 

طريقة التحضير:

 

نجيب طاسة ونحط سمنة وزيت ونسخنها اوي..أرز بالكبد والقوانص

 

وننزل بالكوسة نشوحها والبطاطس نحمرها والبصل نشوحه.

 

ونجيب صلصة الطماطم ونحط مكعب مرقة الخضروات ونقطع التوم ونجيب طاجن نحط فيه الكوسة المشوحة والبطاطس المشوحة .

 

والجزر والبصل المتشوحه ونحط عليهم عصير الطماطم ونحطه في الفرن..أرز بالكبد والقوانص

 

سلطة خضراء

 

المكونات:

 

طماطم-خيار- بصل- فلفل أسود- كمون-ملح- خل- ليمون

 

طريقة التحضير:

 

طماطم متقطعة قطع صغيرة وخيار متقطع.

 

أرز بالكبد والقوانص.. نجيب بولة ونحط البصل المتقطع والكمون والملح والفلفل الأسود وليمون.

 

وخل ونسيبها ربع ساعة وننزل بالخيار والطماطم ونقدمها.

تمر باللبن

 

المكونات:

 

لبن- زبيب- تمر منقوع- عسل

 

طريقة التحضير:

 

نجيب التمر المنقوع بالمياه ولبن.

 

ونحطهم في الخلاط وبعدين نحطه في الكوبيات وعليه الزبيب والعسل.

أرز بالكبد والقوانص مع التورلي السادة