المكرونة بالبشاميل بدون لحم..أكلات موفرة في رمضان 

كتبت: سماح محمد

المكرونة بالبشاميل بدون لحم مع كرات البطاطس بالجبن

المكرونة البشاميل بدون لحم من الأكلات المحببة والمفضلة عند الشعب المصري.

فوجدها بيعد عندهم طبق رئيسي من الممكن أن يضاف جنبها أي صنف أخر وبكده تصبح الأكلة اكتملت.

هنعمل معاكو النهاردة

مكرونة بالبشاميل بدون لحم- كرات البطاطس بالجبنة- سلطة بطاطس بالكركم- خشاف.

مكرونة بالبشاميل بدون لحم

المكونات:

مكرونة قلم مسلوقة- بصل مفروم-قرفة- فلفل أخضر رومي-زنجبيل.

البشاميل 4 كوب لبن- 2 بيض-1/2 كوب دقيق-لتر مرقة- جبنة رومي مبشورة- ملح وفلفل أسود- جبنة موتزريلا-معلقة سمنة.

طريقة التحضير:

أولا، بنجيب صينية ونحط فيها المكرونة المسلوقة.

ثانيًا البشاميل، بنجيب حلة ونحط سمنة وعليها الدقيق ونقلب وننزل باللبن شوية ب شوية.

ولتر مرقة وبيضة وملح وفلفل أسود ونحطه على المكرونة وعليها جبنة موتزريلا والرومي المبشورة وندخلها الفرن.

المكرونة بالباشميل بدون لحم..كرات البطاطس بالجبن

المكونات:

بيضة-كيلو بطاطس مسلوقة مهروسة- كوب دقيق- جبنة رومي- معلقة صغيرة بيكنج بودر.

الحشو:

جبنة موتزريلا-ملح وفلفل أسود- كمون ناعم- زيت للقلي.

طريقة التحضير:

بنجيب بولة ونحط البطاطس المهروسة ونحط البيضة والكمون والبيكنج بودر والملح والفلفل الأسود وجبنة رومي.

ثم بنعجنهم ونحط الدقيق شوية بشوية ونعملها زي الكفتة ونحط الحشوة جواها ونقفلها ونكورها ونقليها ويكون الزيت مغطيها.

المكرونة بالباشميل بدون لحم ..بطاطس بالكركم

المكونات:

بطاطس محمرة مكعبات- خل- كمون- فلفل رومي مشوي.

بصل احمر مشوي- ثوم- بقدونس- عصير ليمون- ملح وفلفل أسود- زيت- كركم.

طريقة التحضير:

أولاً الطاسة بنجيبها ونحط فيها الزيت ونحط التوم وننزل بالخل وعصير الليمون وكمون وملح وفلفل أسود.

ثانيًا نقلبهم مع بعض وننزل بالبطاطس والبصل المشوي والفلفل والكركم وبعدين نغرفهم.

خشاف الفاكهة

المكونات:

تفاح متقطع- مانجا متقطعة- برتقال مفصص- قراصيا- مشمش مجفف- تين مجفف- سكر- عصير قمر الدين.

طريقة التحضير:

بنحط الفواكة المتقطعة في بولة، وبنضيف السكر والقراصيا والمشمش والتين المجفف.

بالإضافة لذلك بنحط عصير قمر الدين على الفواكة والسكر ونقلب العصير مع الفواكة.

ثم بنقدم الخشاف في كوبايات وبالهنا والشفا.

مكرونة بالبشاميل بدون لحم مع كرات البطاطس بالجبن