أكلة اليوم..قرنبيط بالشاميل..أكلات موفرة في رمضان

كتبت: سماح محمد

القرنبيط من الخضروات اللي بتحمل قيمة غذائية عالية بجانب مذاق البشاميل المفضل والمحبب للمصريين، بيكون اكتمل الطبق الرئيسي لوجبة اليوم.

بالإضافة للبطاطس المحمرة والعيش البلدي مع المخلل الفاتح للشهيه تصبح وجبة مشبعة واقتصاديه علي قد ايديكوا.

والوصفة البسيطة اللي معانا النهاردة من وصفات الشيف نجلاء الشرشابي..أكلات موفرة في رمضان.

وهنعمل معاكو خامس يوم رمضان قرنبيط بالبشاميل- بطاطس محمرة- مخلل- خروب.

القرنبيط بالبشاميل

1-قرنبيط مسلوق- جزر- جبنة موتزريلا- بصل-ثوم- فلفل رومي

البشاميل:

2- كوب مرقة دجاج- كوب لبن- 2 معلقة كبيرة دقيق- 2 معلقة كبيرة سمنة- ملح وفلفل أسود وكمون

طريقة التحضير:

أكلات موفرة في رمضان..بدايتًا نجيب حلة ونحط معلقتين سمنة ونحط البصل يتشوح.

وبعدين الفلفل والجزر ونحط كمون وملح وفلفل وتوم ومعلقة شوربة ونحط عليهم القرنبيط ونقلب.

أما بالنسبة للباشاميل، بنجيب حلة ونحط معلقتين سمنة وننزل بمعلقتين دقيق ونقلب وبعدين نحط كوبايتين المرقة وكوباية اللبن ونقلبهم كويس.

ثم بننزل بالجبنة عليهم ونجيب صنية نحط الخلطة اللي عملناها البصل مع الجزر والقرنبيط ونحط عليهم البشاميل وندخلها الفرن تكمل تسوية..أكلات موفرة في رمضان

البطاطس محمرة

المكونات:

مياه مغلية- ملح وفلفل اسود- ونجيب 1/2 كيلو بطاطس متقطعة صوابع- زيت- خل.

طريقة التحضير:

أكلات موفرة في رمضان..بنجيب بولة نحط فيها البطاطس ونحط عليها المياة المغلية والخل ونسيبها شوية.

ونحط الطاسة علي النار ونحط البطاطس شوية بشوية.

عصير الخروب

المكونات:

1/2خروب- 3 لتر مياة- 1 كوب سكر الكراميل-خروب-سكر.

طريقة التحضير:

نجيب صنية ونحط الخروب عليها ونرش السكر عليه ونحطه في الفرن.

ونطلعه ونحطه في حلة ونحط عليه سكر ومياة ونسيبه يغلي..أكلات موفرة في رمضان.

الوسوم